رواااااااااااااية انطلقت الرصاصة

الخالة سعاد:قوم علي من النوم يلا بسرعة
علي :تركيني نام شوي
̣:شلون بدي تركك مابدك تمر على رامز وتروحو انت وهو سوا على الجامعة
علي :اي صح يلا هي قمت كنت نسيان هالشي
"علي"
"هاد اول يوم الي بالجامعة دخلت حقوق ورامز معي وهو ساكن بنفس حارتي ووعدتو اني مر عليه ..........اه نسيت عرفكم عن حالي انا اسمي علي توفي بابا وماما بحادث سيارة كان عمري 7 سنين ومن وقتها ضليت عند خالتي سعاد وخالتي ماتزوجت من شاني وهلاصار عمري 18 سنة مصروفنا انا وخالتي من دكانتين باسم البابا مأجرينهم ............ورح اوصفلكم شكلي انا شعري اشقر طولو لتحت ادني طولي انا عادي وبتقلي خالتي بكرة بتطول اكتر وابيض عيوني خضرة ونحيف كل البنات بتحبني وبسموني الوسيم اما رامز وهو رفيقي من الصغر اسمر نحيف تقريبا من طولي كمان مطول شعرو شوي مو كتير وعيونو شهل وكمان هو حلو بس اللي بغيظو انو البنات بيلحقوني اكتر منو "
خالة سعاد(بصوت عالي):علي خلصت لبس .......تعال من شان تفطر
:يلا جاية رح خلص
"رحت غسلت وجهي وفرشيت سناني وغيرت تيابي وقعدت على السفرة "
:خالتي صبيلي كاسة شاي بدي روح ماعاد لحق
:كول مزبوط وروح
:باكل كم لقمة
:طيب.....وهي كاسة الشاي
"شربتها بسرعة وقمت "
:يلا سلام خالتي ....ادعيلي
:الله يوفقك يارب
"طلعت من البيت ووصلت على بيت رامز ورنيت الجرس وسمعت صوت صراخ وخناقة وبعد شوي طلع رامز وكان معصب وكنت عم اضحك "
رامز(بعصبية) :شوفيك عم تضحك من وجه الصبح
(علي وهو عم يضحك):لا بس متل العادة سامع خناقة جوا
:اي معك حق تضحك كل يوم هيك بنتصبح
:وشو المشكلة اليوم
:امشي هلا على الطريق بحكيلك
:طيب
:ونحنا ماشيين كان عم يحكيلي رامز "
:والله جنيت كل يوم مشكلة وياريت الها طعمة
:شوصار
:امي بدها تخطب اختي لابن اخوها وبابا مو رضيان وحتى اختي واخويي معارضين وامي عم تقنعهم
:هههههههه بس حرام اختك صغيرة
:اي صغيرة وكل اللي عمرها 14 سنة من شان هيك كلنا مو رضيانين بس امي خلاص حطت هالشغلة ببالها
:يلا الله بعين وكيفو اخوك عصام لقا شغل بعدين
:لا لسا والله مقهور كتير وبابا كمان بس شو بدو يعمل الواحد
:اي الله بعين
: علي ليك اجا السيرفيس يلا نركب
"ركبنا انا ورامز وقعدنا انا وهو نتحاكا لحد ماوصلنا ونزلنا حسيت بشعور غريب انو هاد اول يوم الي ودورت بجيوبي على المراية والمشط وماكنت جايبهم اطلعت برامز وقلتلو "
:رامز
:شو
:معك مراية ومشط
:نسيت مرايتك ومشطك
:اي
:عيني انا ماني متلك بشيلهم وكل شوي بزبط حالي
:طيب شو اعمل هلا
:ليك في هنيك بنت معاها مراية استعيرها
:لالالا خلاص مو ضروري قلي شلون طالع انا وخلص
:اي كتيييييييييييييير حلو انبسطت
:لا والله
:ليش
:حسسيتها مو من قلبك بركي عم تقول هيك من شان هلا البنات يطلعو فيك
:هههههههههه الله يعينك
"قمنا انا ورامز قعدنا على درج الجامعة وكانت في بنت من بعيد جاية ومبينة انو غنية "
:هاي ياشباب
رامز :اهلين
: كيفكم باول يوم
علي:الحمد لله وانتي
:تمام ........... حابة عرفكم عن حالي واتعرف عليكم انا اسمي سارة
رامز:عاشت الاسامي وانا رامز وهاد علي
:تشرفت بمعرفتكم
علي:الشرف النا
"قعدت معانا سارة وصارت تحاكينا لتتعرف علينا وكانت عم تخص بالحكي انا .......بس انا مو من النوع اللي بحب البنات الشقر والعيون الزرقا فما عبرتها اما رامز كان مبين عليه طاير عقلو فيها وبعد شوي وصلت سيارة مارسيدس لونها سودة وقفنا كلنا لنشوف مين نازل منها ومالقينا الا بنت نازلة صرت قرب من بين الناس لشوفها وكانت بنت طويلة بيضة كانت حاطة نظارات شمسية ولابسة بنطلون اسودوفوقو بلوز ابيض نص كم وشعرها كتير طويل وكانت فاردتو ولونو خرنوبي وقفت وشالت النظارات كان لون عيونها بني وكبار كتير وانفها صغير كتير واطلعت عليي من بعيد ابتسمت وكملت طريقها اخدتلي عقلي وماحسيت الا برامز عم يشدني ويقول "
:شوفيك رامز
:شفتها ولالا
:مين...
:يعني ماشفتها
:قصدك البنت اللي نزلت من السيارة
:اي هية
:اي شفتها شو يعني
:يالله مااحلاها
:ههههههههههه وناوي تضيفها مع قائمة اللي بحبوك
:اي اكيد
سارة:علي
"اطلعت على سارة وكانت عم تحكي وكانها عم تنصحني"
:بعد عن هالبنت احسلك هي مو خرجك
:ليش عم تحكي هيك
:انا بس عم قلك
"مارديت عليها ومشيت وصرت دور عليها ولقيتها قاعدة مع بنت تانية وعم يتحاكو بالكافيتيريا ولسا ماقربت عليهم واز مجموعة من الرجال بشدوني وببعدوني وصرت اسالهم وصار واحد منهم يرد"
علي:خير ياشباب شوفي
:ممنوع تقرب من الانستين
:ليش
:ممنوع وبس هي المرة بس بعدناك المرة الجاية بتشوف شي ما بيعجبك
:طيب فهموني ليش
:هي الاوامر وبس
"رجعت لعند سارة ورامز وكانو برات الكافيتيريا و عم يستنوني وضحكت سارة وصارت تقول"
:شو ضربوك ولالا
:يعني كنتي بتعرفي
:يعني ازا قلتلك كنت رديت! دير بالك على حالك هي مو خرجك وبس
رامز:احسلك بعد واسمع النصيحة
علي:سارة
:نعم
:مين هي
:هي واللي جنبها رفقات وابوهم كمان رفقة وعندهم مصاري مابتاكلهم النيران نص العالم بيشتغلو عندهم ونفوذهم كتير كبير والصراحة الكل بيقولو انو عم يتاجرو بالممنوعات بس لحد هلا ماانكشف شي عليهم وكل اب حاطت لبنتو مرافقة خوفا عليهم .........وحتى لو قدرت تقرب منها مستحيل هي تطلع عليك
:اها هلا فهمت
"صحيح اليوم ماقربت وحكيتها بس هي الا تنعجب فيي وتحكيني بالاخير والانسان مالازم يوقف عند محاولة وحدة ..........
مضي اول يوم بالجامعة على خير ورجعت على البيت وتغديت مع خالتي والمسا قعدنا وصارت خالتي تسالني على مين تعرفت وشو صار هنيك بس انا ماكان عقلي معاها ومالقيتها الا نادتني وقالت"
:علي
:اه
:وين عقلك
:لا مافي شي
:طيب صرلي ساعة عم حكيك وانت ولاكانك هون
:اي اسف مشغول بالي شوي
:من شو
:بعدين بحكيلك
:طيب متل مابدك
:انا رايح نام
:مالك بالعادة لسة الساعة 10 مابدك تسهر
:لا خالتي مو جاية على بالي بدي نام من شان اقدر فيق بسرعة بكرة
"صارت تحكي خالتي ومعا ضحكة صغيرة"
:لو مابعرفك كنت قلت ياوحدة ماعبرتك ومشغول بالك يااما حابب والتنتين مستحيل
علي:يمكن ....تصبحي على خير
"بين على خالتي الاستغراب لانو حتى جوابي كان يمكن مو لا او مستحيل..........رحت نمت وكنت ماعم اقدر نام لاني عم فكر فيها "
"مضي اكتر من اسبوع وانا على هالحالة شوفها من بعيد ولا اقدر سلم عليها او حكيها ورجعت سارة سالتني عنها قلتلها انو ماعادت تعنيني واصلا ما عاجبتني بس رامز حس عليي واجا مرة سهر عندي باليل وقعدنا نحكي وجاب رامز سيرتها "
:علي
:نعم
:لساتك حاطت هالبنت براسك صح
:قصدك ام المرسيدس
:اي هية
:لا ماعادت تعنيني
:بس انا حاسس انو عم تكذب عليي
:احساسك غلط
:لا غلط ولاشي احكي الحقيقة انت عم تقول هيك من شان سارة تبطل تسالك
:بدك الحقيقة
:اي لكن اخوها
:طيب.......... اي لساتها براسي وبدي ضل حاول لحتى قرب منها
:علي بدي اسالك سوال
:شوهو
:انت حاببها
:لا ماني حاببها
:لا حاببها بس انت مانك عرفان لو شايف حالتك كنت عرفت انك بتحبها
:وكيف بدي اتاكد من هالشي
:ازا كنت عم تفكر فيها كل يوم وماعم تطلع من بالك فاكيد انت بتحبها
"شردت بحكيو وقلت فعلا هي طول الوقت بعقلي وقلبي وخيالي اصبح انا بحبها "
رامز:علي
:نعم
:وين شردت
:ولا شي ..........بدي اسالك سوال
:شو هو
:انت بتعرف اسمها
:لا بس يمكن سارة بتعرف
:لالالا بلا تسال سارة خلاص
:من شان ماتحس عليك
:لا تسالها وخلص
:يلا انا بدي روح اتاخر الوقت
:طيب بشوفك بكرة ورح مر عليك متل العالدة
:طيب ماشي تصبح على خير
:وانت من اهل الخير
"راح رامز وحاولت اني نام بس ماقدرت كان كل تفكيري انو انا بحبها ولالا ؟؟........"
"تاني يوم الصبح"
"فقت بكير وجهزت حالي وكانت خالتي داخلة لتفيقني تافطر ولقتني مجهز حالي ومخلص
خالة سعاد:شو هاد مالك بالعادة تفيق بكير الا انا فيقك
:اي خالتي من زمان مافطرت معك وقلت لحالي اليوم بفطر معك على رواق وبشوف هالوجه الحلو
:طيب يلا تعال الفطور جاهز
"قعدنا انا وهي عم نفطر وبعد ماخلصت رحت على غرفتي وطالعت من الدرج المراية والمشط وحطيتهم بجيبي رغم انو صرلي فترة ناسيهم وماعدت اخدتهم ......... وكانت خالتي واقفة على باب الغرفة وعم تطلع عليي وقت اللي اندرت لعندها شفتها وضحكت وقالتلي"
:يالله صرت بالجامعة ولسا هدول معك
:اي وشو عليه خالتي
:هاتهم حاج تغتر بحالك مابصير
:بلا خالتي الله يخليكي خليهم معي
:لا هاتهم
:طيب
"عطيتهم لخالتي وانا مابقدر قلها لا على اي شي ومن انا وصغير هيك ...بستها وودعتها وكان رامز من بعيد جاية لعندي وصلت لعندو وسلمت عليه "
علي:كيفك اليوم
:انا تمام وانت
:اي تمام بس مو كتير
:ليش
:خالتي اخدت مني المراية والمشط
:خرجك بتستاهل
:وانت شو جابك اليوم مارر لعندي غريبة
:قلت حاجتني فضايح كل يوم والتاني بتسمع خناقات من اهلي
:هههههههههههه ازا هيك معك حق يلا تعال
رامز:شو رايك نروح مشو لانو لسا في وقت
:اي معك حق بكون احسن
"قعدنا انا وهو نتمشى وصار يحكيني على سارة"
:بتعرف هالبنت اخدتلي عقلي
:مين
:سارة
:ليش
:لاني بحسها قد نفسها ..........وهي كتير حلوة
:يالله شوعاجبك فيها مو حلوة هلا هية ولا ام المرسيدس
:قصدك البنت ام السيارة المرسيدس احلى
:احلى وبس اكيد وبكتير
:زي ما بقولو الحب اعمى
:بس انا ما بحبها ليش بدك تقنعني اني بحبها ......
:مبارح وقت سالتك مبين انو اخدتلك عقلك واللي بيطلع عليك ويشوفك وقت عم تطلع عليها بقول انك دايب فيها
:لا مو معقول بتعرفني ماني من النوع الي بحبو وما ناقص الا تقلي حب من اول نظرة
رامز:ههههههههههه معقولة حب من اول نظرة
:اي حاجتك غلاظة روح من وجهي
:وين بدي روح
:على الجامعة
:ههههههههههه صح
"وصلنا على الجامعة واول مادخلنا كانت سارة جاية لعنا "
سارة :صباح الخير كيفكم اليوم
رامز:الحمد لله تمام
:وانت علي كيفك
:انا تمام
سارة:طيب وين شارد علي
رامز:شردان باللي اخدتلو عقلو
سارة (مع ضحكة):مين هي
: عم يمزح رامز مو اكتر
سارة:طيب ....مشي رامز على الكافتيريا
:طيب بدك تجي علي
:هلا لا..... شوي وبلحقكم
"سارة ورامز راحو وانا ضليت واقف عم استناها وبعد شوي وصلت السيارة ونزلت حاولت قرب وكاني شخص عم يمر وبس ولقيتها شالت نضاراتها الشمسية واطلعت عليي وصارت تضحك وتهز براسها شوي ........وفهمت وقتها انها حاسة فيني اني انعجبت فيها وكانت رفيقتها معاها ونادتها "
:مريم
:نعم
:شو صرلي ساعة عم حكيكي وانتي ماعم تردي
:لا معك انا
"شردت اسمها مريم معقول يالله مااحلى اسمها رحت لدور على سارة ورامز وصرت اركض متل المجنون بعدين وقفت وتزكرت انو هنن راحو على الكافيتريا رجعت برجوع على الكافتيريا واول مادخلت شفتهم قاعدين صرت اركض لعندهم وبالصوت العالي عم قلهم "
:اسمها مريم رامز ....اسمها مريم
"وقفت قدامهم وكانو عم يطلعو باستغراب وقالت سارة "
:مين هي
:البنت نفسها
:قصدك اللي قاعدة هنيك
"اطلعت كانت موجودة وهي ورفيقتها وعم يطلعو عليي ووقفت رفيقتها وقالت "
(بصوت عالي):مريم صرلك معجب بس الله عليم من اني طبقة
"وصارت تضحك بالصوت العالي انا حسيت نار عم تشعل فيني وكنت واقف وماعم اعرف شو اعمل وكانت مريم عم تقلها "
:عدي دانيا خلاص شو بدك منو خليه يحكي اللي بدو ياه شو رح تفرق معي
"صرت اطلع كان كل اللي بالكافتيريا عم يطلعو منهم اللي عم يضحكو ومنهم لا اطلعت بسرعة برات الكافتيريا ولحقوني سارة ورامز وشدني رامز وقلي "
:شو هلا اصحيت ولالا ............. يعني عجبك اللي صار
:مادخلك وحل عني
سارة:نحنا حكينا لمصلحتك وانت ماسمعت النصيحة
:الله يخليكم حلو عني انتو الاتنين
"طلعت برات الجامعة وصرت امشي بالشوارع صرت ابكي من حرقة قلبي اول مرة بصير معي هيك موقف وضليت عم اتمشى وشوي ارتاح بالجناين وارجع امشي لحتى صارت الساعة 11 باليل ووقتها اطلعت على الساعة وشفتها 11 وفورا رجعت على البيت لانو خالتي بجوز تكون خايفة عليي واول ماوصلت رنيت الجرس وفتحت خالتي "
:علي ابني فيك شي صايرلك شي
:لا خالتي مافيني شي
:وين كنت
:كنت عم اتمشى
"دخلت على البيت كان رامزموجود وكان معصب وقال "
:لكن عم تسرح بالشوارع لاخر اليل لانو مفكر مافي حدا يسال عنك وكلو من شان هديك الزفت
(علي وهو معصب):انت مادخلك لا انت ولا سارة فهمان
:بعرف انو مارح ادخل لانو شكلك اليوم ماكان حلو ابدا ورفيقتها عم تضحك عليك
:فينك تسكت يااما اطلع لبرا
خالة سعاد:علي مابصير تحكي هيك
رامز (بقهر):معليش خالة انا كنت رايح اصلا
"طلع رامز وصارت تحكيه خالتي قبل مايمشي انا رحت على غرفتي وتسطحت على التخت بالعتمة واجت خالتي لعندي شغلت الضو وقعدت جنبي على التخت وصارت بايدها تمسح راسي و تحكيني "
:ابني شوفيك
:مافيني شي
:معقول انا بعرفك وقت بتكون فرحان وحتى زعلان ......وكيف عصبت على رامز وخليتو يطلع بهالطريقة مابصير لو تشوفو كيف كان جانن عليك وسرح بالشوارع مدري كم ساعة وهو عم يسال عنك
:خالتي راسي عم يوجعني فينك تحكي معي بكرة
:طيب متل مابدكم بس لازم تعرف شخص عرفتو فجاة مارح تبدلو باخ وقف معك سنين صح
:معك حق
:يلا تصبح على خير
:وانت من اهل الخير
"باستني خالتي من جبيني وطفت الضو وانا صرت ابكي معقول هيك يصير فيني كل الناس الموجودين عم يضحكو عليي انا فعلا غبي ..............نمت بس بصعوبة "

جميله جداااااااااااااااااااااااااااااااااااااااااااا
تسلم ايديك